Од 1954 година

+

Забрани и известувања

15.12.2018

На патниот правец Делчево брана Калиманци има одрони па на учесниците на собраќајот им се препорачува внимателно возење.Екипите на Македонија пат се на терен и вршат рачистување на коловозите.

23.11.2018

Патниот правец Р2332 - Охрид-Ресен преку националниот парк Галичица (врска со Р1307 – Царина - врска со А3 и Р1301 - Трпејца), од 15.11.2018 до 01.04.2019 ќе биде затворен за сообраќај за сите видови возила.

14.11.2018

Од 15-ти ноември, стапува на сила законската обврска за задолжително поседување на зимска опрема во возилата, без оглед на временската состојба. Оваа обврска ќе трае до 15-ти март 2019 година.

06.11.2018

Друштвото Асфалт Дооел Скопје известува дека порaди изведување на градежни работи за изградба на електронски систем за наплата на наплатните станици за патарина, сообраќајот ќе се одвива согласно Одобренијата за времен режим на сообраќај и тоа на: -наплатна станица Романовце во период од 15.09.2018 до 14.03.2019 год. -наплатна станица Градско во период од 01.11.2018 до 01.04.2019 год. -наплатна станица Петровец во период од 24.10.2018 до 24.11.2018 год. Ги предупредуваме возaчите да пристапуваат внимателно и да се придржуваат кон упатствата од ново поставената сообраќајна сигнализација.

15.10.2018

Од утре вторник 16.10.2018 ЈП Македонијапат ќе изведува градежни работи (машинско асфалтирање, надоградба на постоечката подлога на коловозот) на патниот правец А2 Тетово – Гостивар крак – с. Неготино од 08.00 – 16.00 часот од понеделник до сабота во наредните 20 дена.
Додека се изведуваат градежните работи тешките товарни возила не ќе можат да го користат овој патен правец.
На местото на изведување на градежните работи ќе биде поставена соодветна сообраќајна сигнализација како и физичко обезбедување со знаменца, а сообраќајот ќе се одвива наизменично во двата правци.

01.10.2018

Информација за движење на патниот правец Скопје - М. Брод и обратно низ националниот парк ЈАСЕН од 01.10.2018 год.


Скопје - М. Брод      07.30 - 08.30         14.30 - 15.30

М. Брод - Скопје     06.00 - 07.00          16.00 - 17.00

01.10.2018

Од 01.10.2018 (понеделник) ЈП Македонијапат подружница Штип изведува градежно асфалтерски работи на повеке регионални патни правци од кои на Р-1402  од с.Куклиш до с.Банско, на Р2345 од Виница –с.Бигла и на Р1204 од Свети Николе до Павлешенци од 09.00 до 17.00 часот. На местото на изведување на работите ќе биде поставена соодветна сообраќајна сигнализација.

01.10.2018

Од 04.10.2018 (четврток) во трање од еден месец ЈП Македонијапат подружница Велес ќе изведува асфалтерски работи на регионалниот пат Р-1102 на потегот од с.Смоквица до с.Прдејци од 09.00 до 17.00 часот  Сообраќајот ке се одвива по автопатот А1Смоквица-Гевгелија во двата правци. На местото на изведување на работите ќе биде поставена соодветна сообраќајна сигнализација.

10.08.2018

Илинден АД Струга известува дека согласно Одобрението за времена измена на режим на сообраќај, на магистралниот пат А2, делница Кичево - Охрид (Мала Река – Славеј Планина) од 10.08.2018 се воведува времена измена на сообраќајот со девијации (преминување од една коловозна лента во друга) за што е поставена соодветна сообраќајна сигнализација. Измената ќе трае до завршување на градежните работи.

15.05.2018

Од понеделник 21.05.2018 година, започнува изградбата на Експрес пат А4, Штип- Радовиш, на следниот потег: клучка Штип југ (Софилари)- Бучим (км 5+000 до км 28+560) согласно Договор бр. 001-ЕБРД/17.
Ги молиме сите учесници во сообраќајот за внимателно движење на овој потег, прилагодување на брзината и почитување на поставената времена сообраќајна сигнализација поради започнувањето и преземањето на градежни активности.

31.03.2018


На патниот правец Р 1308 Макази – г.п. Маркова Нога поради свлечиште кај м.в. Долги Рид сообраќајот се одвива по една коловозна лента во должина од 150 метри каде е изведена девијација.

На самото место поставена е соодветна сообраќајна сигнализација.

На учесниците во сообраќајот и се препорачува внимателно управување со возилата и прилагодување на брзината спрема уловите на патот.

29.01.2018

ГП ИЛИНДЕН - Струга известува дека од 30.01.2018 год. на регионалниот патен правец Р - 1301 од Билјанини извори – Населба Коњско ќе започне измената на режимот на сообраќај поради изведување на градежни работи на пат.

На местата на градежните работи ќе биде поставена вертикална и хоризонтална сигнализација.

20.12.2017

На магистралниот пат А2 патен правец Кичево – Охрид ( Пресека – Песочан ) од 3+300 км до 5+600 км од четврток 21.12.2017 се воведува времена измена на сообраќај со девијации (преминување од една коловозна лента во друга) за што е поставена соодветна сообраќајна сигнализација. Според известувањето добиено од АД ИЛИНДЕН СТРУГА (изведувач на работите) овој режим на сообраќај ќе трае до завршувањето на градежните работите.

15.11.2017

Ве известуваме дека од 15.11.2017 година ќе се започне со градежни активности за изградба на клучката Ванчо Прке на експресен пат А3, делница од Пробиштип до с. Крупиште на регионалниот пат P1205.
За таа потреба ќе биде воведена времена измена на режим на сообраќајот и поставена соодветна сообраќајна сигнализација на оваа делница.

19.09.2017

На магистралниот пат А2 патен правец Кичево – Охрид ( Пресека – Песочан ) од 7+060 км до 11+498 км од утре среда 20.09.2017 се воведува времена измена на сообраќај со девијации (преминување од една коловозна лента во друга) за што е поставена соодветна сообраќајна сигнализација.

Според известувањето добиено од АД ИЛИНДЕН СТРУГА (изведувач на работите) овој режим на сообраќај ќе трае до завршувањето на градежните работите.