Примопредавање на резервни делови за ЈП „Македонијапат“, донација од JICA - Јапонија

06.11.2015

Како одговор на барањето на Владата на Р. Македонија, Владата на Јапонија донираше опрема за одржување на патиштата и асфалтната база во 2002 година, во соработка со ЈП „Македонијапат“. Имајќи предвид дека беа поминати повеќе од 10 години од донацијата, Јапонската агенција за меѓународна соработка - JICA, одлучи да помогне при набавка на резервни делови со цел да се продолжи работниот век на донираната опрема.
 

ЈП „Македонијапат“ и JICA потпишаа договор за продолжување на проектот во февруари 2015 година. По потпишувањето на договорот, Џајка ги набави и транспортира деловите во Македонија кон средината на август и истите пристигнаа во Македонија кон крајот на октомври. Вкупната вредност на резервните делови е околу 143.000 евра.
 

       Церемонијата за примопредавање се одржа во подружницата на ЈП „Македонијапат“ на 6 ноември во присуство на претставници на ЈП „Македонијапат“ и на Џајка од балканската канцеларија во Белград.